【圖文不符之中佬勤力篇】
唔知道係男人的通病，定係我個人問題，收／送禮物我都唔在行。
-
比如學生送禮物，我第一自然反應係「我唔值得收」，因為收學費教人，點解會有禮物收？
-
另外我可能表情擺晒上面，唔好意思又開心，唔知點好🤣（exactly呢個emoji）
-
基於好似欠左人，我就開始嘗試去搵禮物回禮。但，我本身只識去uniqlo、琴行、釣魚舖、運動舖、五金舖......
最後，我都係咩都買唔落手。
-
我突然諗起我老豆。返學時有次我趕住走，佢煲左個面俾我食，但太熱食唔到，佢開左個冷氣機，企係張櫈對住個風口吹凍俾我食。
-
我老婆跟我返去，我老豆就問食唔食西瓜，切完西瓜又問食唔食奇異果，要唔要拎魚返去食？
-
我老豆從來唔會講佢點錫我地，反而成日鬧同打，但你又知佢其實好努力去表達緊自己。
-
我唔想自己好似d貓，無啦啦捉d蛇蟲鼠蟻俾主人咁，我諗學生唔會想收到魚杆、假餌、魚類圖鑑、書啊......
-
所以，我勤力少少寫譜，搵路線約學生郊遊，玩boardgame，係咁易留意下佢地既工作生活。
-
#結他老師 #結他班
Search